Xalq deputatlari Uzun tumani Kengashining haftalik ish rejasiga asosan, Kengashning doimiy komissiya rahbarlari Uzun tumani "Yoshlik" MFYda aholining sport bilan shug'ullanishi uchun barpo qilingan yangi sport o'yingohi faoliyati bilan yaqindan tanishdilar.

O'rganish davomida mahallada yoshlar va aholining bo'sh vaqtini mazmunli tashkil etish, ularni jismoniy tarbiya va sportga keng jalb qilish borasida yaratilgan shart-sharoitlar ko'zdan kechirildi. Shuningdek, sport maydonchasidan samarali foydalanish, uni doimiy ravishda toza va soz holatda saqlash hamda aholi o'rtasida sog'lom turmush tarzini targ'ib qilish yuzasidan mas'ullarga tegishli tavsiyalar berildi.