#Oylik_Ish_reja_ijrosi
#Ish_reja_ijrosi
#Haftalik_ish_reja_ijrosi
19¹-modda
🏗 Maktabgacha ta’lim muassasasi qurilishi deputatlik nazoratida

Xalq deputatlari Sherobod tumani Kengashining 2-Zarabog‘ saylov okrugi deputati X.Xojidinov hamda Kengash kotibiyati bosh mutaxassisi S.Safarov tomonidan “Qizilolma” mahallasining Shalqon qishlog‘ida deputatlik nazorati amalga oshirildi.

📌 Nazorat tadbiri O‘zbekiston Respublikasi Prezidentining 2024-yil 28-martdagi PQ-141-son qaroriga muvofiq, Islom taraqqiyot banki ishtirokida amalga oshirilayotgan “Qishloq joylarni kompleks rivojlantirish” loyihasining 2-bosqichi doirasida barpo etilayotgan 90 o‘rinli yangi maktabgacha ta’lim tashkiloti qurilish jarayonlarini qamrab oldi.

🔎 O‘rganish davomida qurilish ishlarining sifati, belgilangan muddatlarga rioya etilishi, qurilish jarayonining amaldagi holati hamda ishlarning tasdiqlangan talablar asosida olib borilishi yuzasidan tahlillar o‘tkazildi.

📝 Aniqlangan kamchiliklarni bartaraf etish, qurilish ishlarini belgilangan talablar asosida tashkil etish va mavjud muammolarni o‘z vaqtida hal qilish yuzasidan mas’ul tashkilotlarga tegishli ko‘rsatmalar berildi.

🤝 Mazkur loyihaning amalga oshirilishi qishloq hududida maktabgacha ta’lim xizmatlari imkoniyatlarini kengaytirish, bolalar uchun zamonaviy shart-sharoitlar yaratish hamda ta’lim infratuzilmasini rivojlantirishga xizmat qiladi.

✅ Qurilish ishlarining o‘z vaqtida va sifatli yakunlanishini ta’minlash maqsadida deputatlik nazorati davom ettiriladi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube