Maktabning kuz-qish mavsumiga tayyorgarligi o‘rganildi

Xalq deputatlari O‘rta Chirchiq tuman Kengashining 15-saylov okrugidan saylangan O‘zbekiston Ekologik partiyasi deputati Sh.P.Radjapov tomonidan Arg‘in-Sada mahalla fuqarolar yig‘ini hududida joylashgan 36-sonli umumta’lim maktabining kuz-qish mavsumiga tayyorgarlik holati hamda isitish tizimining texnik ahvoli o‘rganildi.

O‘rganish davomida maktab binosidagi isitish tizimining holati, uning mavsum davomida uzluksiz ishlashini ta’minlash, sinfxonalarda me’yoriy haroratni saqlash hamda o‘quvchilar va pedagog xodimlar uchun qulay sharoit yaratish masalalariga e’tibor qaratildi.

Aniqlangan kamchiliklarni bartaraf etish, isitish tizimidan samarali foydalanish va ta’lim muassasasini kuz-qish mavsumiga puxta tayyorlash yuzasidan tegishli tavsiyalar berildi.

✅Xalq deputatlari O‘rta Chirchiq tuman Kengashi kotibiyati axborot xizmati!