Xalq deputatlari Qo‘qon shahar Kengashi deputati M.Aminova saylangan 13-“Misgarlik” saylov okrugi hududidagi “Misgarlik” mahalla fuqarolar yig‘inida Kengash Kotibiyati mudiri A.Nosirov tomonidan o‘rganish ishlari olib borildi.

O‘rganishda Kengash Kotibiyati bosh mutaxassisi A.Adhamov hamda shahar Mahallalar uyushmasi vakili J.Isroilov ham ishtirok etib, mahalla aholisi tomonidan bildirilgan murojaatlar bilan tanishdilar.

O‘rganish davomida mahallaning Oltin yo‘l ko‘chasida joylashgan elektr simyog‘ochlarining texnik holati qoniqarsizligi yuzasidan fuqarolardan murojaatlar kelib tushgani ma’lum bo‘ldi. Mazkur holat aholi uchun xavfsiz sharoitni ta’minlash, elektr infratuzilmasining sozligini saqlash va ehtimoliy noqulayliklarning oldini olish masalalarini dolzarb etib qo‘ymoqda.

O‘rganish jarayonida mavjud muammoni tegishli tartibda ko‘rib chiqish, mas’ul tashkilotlar e’tiboriga yetkazish hamda elektr simyog‘ochlarining holatini yaxshilash bo‘yicha zarur choralarni belgilash masalalariga e’tibor qaratildi.

Xalq deputatlari Qo‘qon shahar Kengashi