YOSHLAR O‘RTASIDA KURASH OMMALASHTIRILMOQDA

Xalq deputatlari Pop tuman Kengashi deputati, tuman hokimi G‘ulomjon Murodxo‘jayev boshchiligidagi sektor rahbarlari Paxtakor mahallasida joylashgan 1-sonli sport maktabida bo‘lib, kurash sport turini yoshlar o‘rtasida keng ommalashtirishga qaratilgan taqdimot bilan tanishdilar.

Tashrif davomida sport maktabida yoshlar uchun yaratilgan shart-sharoitlar, kurash to‘garaklari faoliyati hamda sportchilarning mashg‘ulotlar bilan qamrab olinishi holati o‘rganildi.

Shuningdek, yoshlar o‘rtasida milliy sport turiga bo‘lgan qiziqishni yanada oshirish, iqtidorli sportchilarni aniqlash va ularni qo‘llab-quvvatlash, kurashni keng targ‘ib etish masalalariga alohida e’tibor qaratildi.

Milliy qadriyatlarimizning ajralmas qismi bo‘lgan kurashni rivojlantirish, yoshlarni sportga keng jalb etish hamda sog‘lom avlodni tarbiyalash borasidagi ishlar izchil davom ettiriladi.