Xalq deputatlari Amudaryo tuman Kengashi deputati Madamin Kazakov (O‘zLiDeP), deputatga biriktirilgan Yoshlar maslahat guruhi vakili, tuman Kengashi Kotibiyat bosh mutaxassisi Bobur Allaberganov hamda siyosiy partiyalarning tuman Kengashlari rahbarlari 4-Beruniy saylov okrugidagi Amudaryo tumani sport maktabi faoliyati, shuningdek, hududdagi sport maskanlarida yaratilgan sharoitlar bilan yaqindan tanishdilar.

Deputatlik nazorati tadbirlari davomida Oʻzbekiston Respublikasi Vazirlar Mahkamasining 2026-yil 24-iyuldagi “Sport maktablari faoliyatini tizimli tashkil etishning qoʻshimcha chora-tadbirlari toʻgʻrisida”gi 407-sonli qarori ijrosi atroflicha koʻrib chiqildi.

Deputat faoliyatining eng muhim yo‘nalishlari bo‘yicha:
Mahallalarda aholi va bolalar uchun sport inshootlari holati;
Umumta’lim maktablari, kolledj va akademik litseylarning sport zallari hamda ulardagi sport anjomlarining mavjudligi va jihozlanish darajasi atroflicha oʻrganildi.
Shuningdek, sport maktabidagi mashgʻulotlar va toʻgaraklar jarayoni hamda oʻquvchi-sportchilar erishayotgan natijalar tahlil qilindi.

Oʻrganishlar yakunida aniqlangan masalalarni hal etish, sport inshootlari va zallarining moddiy-texnik bazasini yanada mustahkamlash hamda yoshlarni sportga keng jalb etish boʻyicha masʼullarga tegishli tavsiya va takliflar berildi.