Avvalroq deputat Xonimjon Rajabova "Boyovul" mahalla fuqarolar yig‘ini saylovchilari bilan o‘tkazilgan samimiy muloqot va uchrashuvlar davomida fuqarolar tomonidan muhim bir muammo ko‘tarilgan edi. Xususan, "Tadbirkorlar-1" ko‘chasidagi ichki yo‘llarning ta’mirtalabligi, ayniqsa, yog‘ingarchilik kunlarida aholi, maktab o‘quvchilari va keksalarimizning harakatlanishida jiddiy noqulayliklar tug‘dirayotgani ta’kidlangan edi.

Aholi murojaatida bildirilgan ushbu masalani ijobiy hal etish hamda yo‘l xavfsizligini ta’minlash maqsadida deputat X.Rajabova tomonidan Amudaryo tumani Obodonlashtirish boshqarmasi boshlig‘ining birinchi o‘rinbosari I.Karimovga rasmiy deputatlik so‘rovi yuborilgan edi.

🛠 Amaliy natija va bajarilgan ishlar.
Yuborilgan deputatlik so‘rovi tegishli mas’ullar tomonidan atroflicha o‘rganib chiqildi va amaliy choralar ko‘rildi.

Bugungi kunda "Tadbirkorlar-1" ko‘chasining ichki yo‘llarini tekislash hamda qum-shag‘al aralashmasi (SHPES) yotqizish ishlari olib borilmoqda.