Bandixon tumanida deputatlik nazorati: "Yangi O‘zbekiston qiyofasidagi" Obikor mahallasida ko‘lamli infratuzilma loyihalari amalga oshirilmoqda

✅Bandixon tumanida aholi punktlarining me’moriy va kommunal infratuzilmasini tubdan yaxshilash, qulay va xavfsiz yashash muhitini barpo etish borasida davlat dasturlari asosida keng qamrovli bunyodkorlik ishlari olib borilmoqda.

✅Xalq deputatlari Bandixon tumani Kengashining 20-“Obikor” saylov okrugi deputati X.Salomov hamda Kengash kotibiyati bosh mutaxassisi E.Eshonqulov "Yangi O‘zbekiston qiyofasidagi mahalla" sifatida tanlab olingan "Obikor" mahallasida bo‘lib, amalga oshirilayotgan ishlarni o‘rgandilar.

✅Monitoring davomida mahallaning 8 ta ko‘chasida 210 dona temir-beton tayanch ustunlari o‘rnatilgani, 3 dona transformator va 7 km yopiq kabel tortilgani qayd etildi. Shuningdek, 2,8 km ichimlik suvi tarmog‘i tortilib, 1,1 km ichki yo‘llar asfaltlandi. Hozirda mahalla guzarining yangi binosi qurilishi davom etmoqda.

✅O‘rganish yakunida barcha qurilish-montaj ishlarini sifatli hamda belgilangan muddatlarda to‘liq yakunlash yuzasidan mas’ullarga tegishli tavsiyalar berildi.