#haftalik_ish_reja_ijrosi
#24_ta_tavsiyalar_ijrosi
#9_band

Bandixon tumanida deputatlik nazorati: Xo‘jayipok oilaviy shifokorlik punktida tibbiy xizmat sifati tahlil qilindi

✅Bandixon tumanida aholiga ko‘rsatilayotgan birlamchi tibbiy-sanitariya yordamini yaxshilash, tibbiyot muassasalarida yaratilgan sharoitlarni tahlil qilish va kafolatlangan dori vositalarining manzilli tarqatilishini ta’minlash borasida tizimli deputatlik nazorati olib borilmoqda.

✅Xalq deputatlari Bandixon tumani Kengashi deputati M.Omonullayev hamda tuman Kengashi bosh mutaxassisi E.Eshonqulov tuman Tibbiyot birlashmasiga qarashli Xo‘jayipok oilaviy shifokorlik punktida bo‘lib, muassasa faoliyatini ko‘zdan kechirdilar.

✅Monitoring jarayonida aholiga ko‘rsatilayotgan tibbiy yordam darajasi, shifokorlar qabuli, kafolatlangan va imtiyozli dori-darmonlar zaxirasi, elektron navbat tizimining ishlashi hamda bino sanitariya sharoitlari ko‘rib chiqildi.

✅O‘rganishlar yakunida aniqlangan ba’zi tashkiliy masalalarni bartaraf etish, dori-darmon zaxirasini doimiy ravishda boyitib borish va aholiga tibbiy xizmat ko‘rsatish qamrovini kengaytirish yuzasidan muassasa mas’ullariga tegishli vazifalar yuklatildi.