🏛 Tuman "Suv ta’minoti" korxonasida aholi murojaatlari ijrosi o‘rganildi
Xalq deputatlari tuman Kengashi kotibiyati xodimi J.Butayev hamda tuman Xalq qabulxonasi mudiri o‘rinbosari F.Muxtorov tomonidan tuman "Suv ta’minoti" korxonasiga kelib tushayotgan murojaatlar va ularning ijobiy hal etilishi holati yuzasidan nazorat tadbiri o‘tkazildi.
O‘rganish davomida iste’molchilardan toza ichimlik suvi ta’minoti va tarmoqlardagi nosozliklar bo‘yicha kelgan arizalarning qonuniy muddatlarda ko‘rib chiqilishi hamda muammolarning amaliy yechimi tahlil qilindi.
Muloqot yakunida aniqlangan kamchiliklarni bartaraf etish va aholini ichimlik suvi bilan ta’minlash sifatini yaxshilash bo‘yicha korxona mutasaddilariga qat’iy topshiriqlar berildi va ijrosi deputatlik nazoratiga olindi.