Xalq deputatlari Oltinsoy tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi ish rejasiga muvofiq navbatdagi o‘rganish tadbiri o‘tkazildi.

O‘rganish davomida doimiy komissiya raisi Azamat Karamatovich Mamatmuratov hamda Xalq deputatlari Oltinsoy tuman Kengashi kotibiyati mudiri Musurmon Abduraxmonovich Xujanovlar tumanidagi 50-sonli umumta’lim maktabida bo‘lib, muassasaning kuz-qish mavsumiga tayyorgarlik holatini ko‘zdan kechirishdi.

Tadbir davomida maktabning isitish tizimi, ko‘mir va boshqa yoqilg‘i zaxiralari, binoning issiqlik saqlash imkoniyatlari hamda muhandislik-kommunikatsiya tarmoqlarining shayligi atroflicha o‘rganilib, aniqlangan kamchiliklarni qisqa muddatlarda bartaraf etish bo‘yicha tegishli tavsiya va ko‘rsatmalar berildi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz