Xalq deputatlari Yangiobod tuman Kengashi Kotibiyati mudiri, deputat V. Xasanov hamda tuman Moliya va iqtisodiyot bo‘limi boshlig‘i o‘rinbosari B. Normatov tomonidan Havotog‘ QFYda 11-sinf bitiruvchisi L.Obloqulova Xayrullayev bilan uning ish yoki o‘qishga joylashishi masalasi yuzasidan tushuntirish ishlari olib borildi.

Muloqot davomida bitiruvchining kelgusidagi rejalari, ta’lim olish yoki mehnat faoliyatini boshlash istagi, mavjud imkoniyatlari hamda qiziqishlari yuzasidan suhbat o‘tkazildi.

Jumladan, oliy yoki professional ta’lim muassasalariga o‘qishga kirish, mavjud ta’lim yo‘nalishlaridan foydalanish, shuningdek, ish bilan ta’minlanish va doimiy daromad manbaiga ega bo‘lish imkoniyatlari haqida batafsil tushuntirishlar berildi.

Shuningdek, bitiruvchiga o‘z qiziqishi va salohiyatidan kelib chiqib, kasb-hunar egallash, mehnat bozoridagi mavjud imkoniyatlardan foydalanish hamda kelgusida mustaqil faoliyat olib borish bo‘yicha amaliy tavsiyalar berildi.

Asosiy e’tibor — yoshni ishsiz qoldirmaslik, uni ta’lim yoki bandlik bilan qamrab olish va kelajak uchun aniq yo‘nalish belgilashga qaratildi.

Mazkur masala yuzasidan tegishli mas’ullar bilan hamkorlikni davom ettirish, bitiruvchining o‘qish yoki ishga joylashish jarayonini kuzatib borish bo‘yicha tavsiyalar berildi.