Deputat sorawı óz sheshimin taptı

Húrmetli Prezidentimiz tárepinen qabıl etilip atırǵan párman hám qararlar tiykarında Qanlıkól rayonında xalıqtıń turmıs sharayatın jaqsılawǵa qaratılǵan keń kólemli qurılıs hám ońlaw jumısları izbe-iz ámelge asırılmaqta. "Jayxun" MPJ rayon orayınan 26 kilometr alısta jaylasqan bolıp, uzaq jıllar dawamında xalıqtı qıynap kelgen mashqalalardıń biri - ishimlik suwı mashqalası edi. Yarım ásirden aslam kútken xalıqtıń ármanı 52 jıl degende taza ishimlik suwı menen támiyinleniw aldında tur.

Usı másele boyınsha xalıq deputatları rayonlıq Keńesi deputatı L.Bekbergenova tárepinen ótken jılı “Qaraqalpaq suw táminatı” AJ Qanlıkól rayonı bólimine deputatlıq soraw shıǵarılǵan edi. Mine búgin Aymaqtaǵı 448 shańaraqta jasawshı 2,6 mıń puqaralar ushın ishimlik suw tarmaǵın tartıw jumıslarına start berildi.

Usı múnásibet penen rayon hákimi B.Sultanov hám basqalar jıynalǵanlardı jańa istiń baslanıwı menen qutlıqlap, jumıstı tez hám sapalı juwmaqlaw islerine toqtaldı.

📱 Telegram (https://t.me/kanlikul_deputatlar_kenesi_2019) E-Kengash (https://kengash.gov.uz/news?region_id=13&authority_id=362)