O‘zbekiston Ekologik partiyasi Bo‘stonliq tumani kengashi raisining 2026-yil 13-fevraldagi 2-sonli murojaati xalq deputatlari Bo‘stonliq tumani Kengashining Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya a’zolari F.Axmedov, A.Mannobov, Y.Narbekov tomonlaridan Kengash raisi O.Babayev ishtirokida ko‘rib chiqildi.

Yig‘ilish davomida Ekopartiya a’zolari tomonidan kiritilgan murojaat doimiy komissiya tomonidan “Toshkent viloyati suv ta’minoti”MChJ tuman filiali xodimlari ishtirokida joyiga chiqqan holda o‘rganilganligi (https://t.me/bust_kengash/7388), xususan, tumanning “Markaziy” MFY hududida kanalizatsiya tarmoqlaridagi nosozliklar, shuningdek, ayrim joylarda kanalizatsiya quduqlari metall qopqoqlar bilan berkitilmaganlik holatlarini bartaraf etish bo‘yicha mas’ullarga aniq muddatlar belgilanganligi ma’lum qilindi.

Aniqlangan kamchiliklarni hal etish bo‘yicha ishlar doimiy komissiya a’zolari tomonidan nazoratga olindi.