Xonqa tumanida xotin-qizlarning huquq va qonuniy manfaatlarini himoya qilish, oilalarni mustahkamlash hamda xotin-qizlar va bolalarga nisbatan zo‘ravonlik holatlarining oldini olish maqsadida “Xotin-qizlarning huquqiy bilimini oshirish oyligi” doirasida davra suhbati tashkil etildi.

Tadbir O‘zbekiston XDP Xonqa tuman Kengashi tashabbusi bilan tumandagi 28-son umumiy o‘rta ta’lim maktabida bo‘lib o‘tdi.

Davra suhbatida tuman partiya Kengashi raisi F.Vaisov, tuman partiya Kengashi ijrochi kotibi B.Maxmudov, tuman “Inson” ijtimoiy xizmatlar markazi psixologi Z.Nurmetova hamda ta’lim muassasasi o‘qituvchilari va xotin-qizlar faollari ishtirok etdilar.

Tadbir ishtirokchilari xotin-qizlarning huquqiy ongini oshirish, oilada sog‘lom muhitni ta’minlash, zo‘ravonlik holatlariga qarshi kurashish va ularning oldini olishda jamoatchilikning faol ishtiroki muhim ekanligini ta’kidladilar.

Xalq deputatlari Xonqa tumani Kengashi deputati F.Vaisov