Халқ депутатлари Қўрхонтепа туман Кенгаши депутати Х.Жўраев маҳалла ходимлари билан учрашиб, уларнинг иш жараёни, ўзаро ҳамкорлиги ва аҳоли билан ишлашдаги муаммолари билан танишди.

Х.Жўраев, шунингдек, маҳалла аҳолисининг хонадонларига ташриф буюриб, уларнинг яшаш шароитлари билан қизиқди. Аҳоли томонидан кўтарилган муаммолар ва таклифлар депутат томонидан қайд этилиб, уларни бартараф этиш бўйича тегишли чоралар кўрилиши таъкидланди.

Депутатнинг тадбиркорларни қўллаб-қувватлаш борасидаги саъй-ҳаракатлари алоҳида эътиборга лойиқ. Х.Жўраев маҳаллада янги бизнес бошлаётган тадбиркорлар билан учрашиб, уларга ўз тадбиркорлигини самарали йўлга қўйиш учун давлат томонидан яратилган имкониятлар ҳақида батафсил маълумот берди.

"Тадбиркорларни қўллаб-қувватлаш, уларнинг фаолияти учун қулай шароит яратиш – бизнинг асосий вазифаларимиздан бири", - деди Х.Жўраев. "Чунки тадбиркорлик ривожи – янги иш ўринларининг яратилиши, аҳоли фаровонлигининг ошиши демакдир".

@Qorgontepa_Kengashi