Joriy yilning 18-aprel kuni Xalq deputatlari Oqoltin tuman Kengashi kotibiyati mudiri N.Turdiyev tomonidan Xalq deputatlari Oqoltin tuman Kengashining 2024-yil 9-fevraldagi “Oqoltin tuman “Ko‘rkam diyor” mahallasi hududida “Yashil bog‘” tashkil etish to‘g‘risida”gi VI-100-16-9-122-K/24-sonli qarorining ijrosi o‘rganildi. O‘rganish jarayonida Oqoltin tumani “Ko‘rkam diyor” MFY hududidan o‘tuvchi M-39 avtomagistral yo‘lining 914-917 km oralig‘ining o‘ng qismidan 3 ga yer maydonida “Yashil bog‘” tashkil etish maqsadida yer maydoni ajratilgan, bog‘da jami 1080 ta Klyon yasen manzarali daraxtlar ekilgan. Sug‘orish tizimi mavjudligi, biroq bog‘ni begona o‘tlardan tozalash kerakligi aniqlandi. Ma'sullarga tegishli topshiriqlar berildi.