Sessiya kun tartibidan o‘rin olgan 2025-yilda Nurobod tumanini kompleks ijtimoiy-iqtisodiy rivojlantirish dasturini tasdiqlash, Nurobod tumani sektor rahbarlari tomonidan hududni ijtimoiy-iqtisodiy rivojlantirish borasida 2024-yilda amalga oshirilgan ishlar hamda sektor hududini kambag‘allik, ishsizlik va jinoyatchilikdan xoli hududga aylantirish, migrantlar bilan ishlash, mahalla yettiligi faoliyatini samarali tashkil etish yuzasidan 2025-yil yakuniga qadar amalga oshiriladigan kompleks chora-tadbirlar bo‘yicha “Yo‘l xaritalari”ni tasdiqilash, 2025-yilda Nurobod tumani bo‘yicha suv resurslaridan foydalanganlik uchun soliq va yer qa’ridan foydalanganlik uchun bazaviy soliq stavkalariga qo‘llaniladigan kamaytiruvchi va oshiruvchi koeffsientlarni qo‘llash, O‘zbekiston Respublikasi Oliy Majlisi Senati Kengashining 2024-yil 29-noyabrdagi “Qoraqalpog‘iston Respublikasi respublika byudjetining, viloyatlar viloyat byudjetlarining, Toshkent shahri shahar byudjetining, tumanlar va shaharlar byudjetlarining qo‘shimcha manbalarini aniqlash va ulardan foydalanishni tartibga solishni takomillashtirish to‘g‘risida”gi KQ-5-V-sonli qarori, O‘zbekiston Respublikasi Oliy Majlisi Senati Kengashining 2024-yil 29-noyabrdagi “Kambag‘allikni qisqartirish bo‘yicha belgilangan ustuvor vazifalarning bajarilishini nazorat qilish chora-tadbirlari to‘g‘risida”gi KQ-6-V-son qarorining tumandagi ijrosi, Nurobod tumanida aholini ichimlik suvi bilan ta’minlash darajasini oshirish bo‘yicha amalga oshirilgan ishlar hamda kelgusidagi rejalar, Xalq deputatlari Nurobod tuman Kengashining 2024-yil 24-iyundagi VI-87-56-7-99-K/24-sonli qaroriga o‘zgartirish kiritish, Xalq deputatlari Nurobod tumani Kengashining va doimiy komissiyalarining 2025-yilga mo‘ljallangan ish rejasini tasdiqlash to‘g‘risida va boshqa masalalar ko‘rib chiqildi.

Sessiyada ko‘tarilgan har bir masala xalq vakillari tomonidan atroflicha va qizg‘in muhokama etilib, yakunda ovoz berish yo‘li bilan tuman Kengashining sohalar bo‘yicha tegishli qarorlari qabul qilindi.