Халқ депутатлари Мирзаобод тумани Кенгаши депутати Қурбанова Диларам Султановна маҳалла еттилиги билан учрашув ўтказди. Учрашув давомида маҳалла ҳудудидаги ижтимоий-иқтисодий муаммолар, аҳоли турмуш тарзини янада яхшилаш ва мавжуд муаммоларни ҳал этиш йўллари муҳокама қилинди. Маҳалла еттилиги аъзолари ўз йўналишлари бўйича қилинаётган ишлар, муаммолар ва келгусидаги режалар ҳақида депутатга маълумот беришди.

Қурбанова Диларам Султановна жойлардаги ҳолатни ўрганиб, аҳолининг таклиф ва мурожаатларини тинглади. Маҳалла фаоллари билан биргаликда айрим долзарб муаммоларни жойида ҳал қилиш чоралари кўрилди. Депутат ўз навбатида, маҳалла тараққиёти йўлида амалий ёрдам беришини таъкидлади ҳамда кўтарилган масалаларни тегишли ташкилотлар орқали ҳал қилиш бўйича таклифлар берди.

Учрашув фаол мулоқот ва ҳамкорлик руҳида ўтди.