Bugun Nurobod tumani hokimligida xalq deputatlari Nurobod tuman Kengashining yettinchi chaqiriq, ikkinchi sessiyasi bo‘lib o‘tdi.

Sessiya kun tartibidan o‘rin olgan Xalq deputatlari Nurobod tumani Kengashi doimiy komissiyalarini tuzish va shaxsiy tarkibini tasdiqlash, Xalq deputatlari Nurobod tumani Kengashi kotibiyati to‘g‘risidagi nizomni tasdiqlash, Xalq deputatlari Nurobod tumani Kengashida ish yuritish bo‘yicha yo‘riqnomani tasdiqlash, Nurobod tumani hokimligi boshqaruv apparatining yangilangan tashkiliy tuzilmasini tasdiqlash, tuman mahalliy byudjetining 2024 yil III chorak daromadlar rejasini oshirib bajarilgan qismi hisobidan ajratiladigan mablag‘lar to‘g‘risidagi masalalar ko‘rib chiqildi.

Sessiyada ko‘tarilgan har bir masala xalq vakillari tomonidan atroflicha muhokama etilib, yakunda ovoz berish yo‘li bilan tuman Kengashining sohalar bo‘yicha tegishli qarorlari qabul qilindi.