Xalq deputatlari Bulung`ur tuman Kengashining yettinchi chaqiriqdagi birinchi sessiyasi o`tkazildi. Sessiyani Bulung`ur tuman saylov komissiyasi raisi O.Sattarov olib bordi.

Komissiya raisi dastlab joriy yilning 27-oktyabr kuni bo`lib o`tgan mahalliy Kengash deputatlari saylov natijalari haqida ma'lumot berdi.

Shundan so`ng xalq deputatlari Bulung`ur tuman Kengashiga saylangan deputatlarining siyosiy partiyalar guruhlarini ro`yxatga olish, xalq deputatlari tuman Kengashining Reglamenti va doimiy komissiyalar haqidagi Nizomni tasdiqlash to`g`risidagi qarorlari qabul qilindi.

Sessiyada viloyat hokimining tuman hokimini tayinlash to`g`risidagi qarorini tasdiqlash masalasi ham ko`rib chiqildi. Viloyat hokimi tomonidan tavsiya etilgan S.Astonov nomzodi deputatlar tomonidan bir ovozdan ma'qullandi.

Tuman hokimi lavozimiga nomzod Samandar Astonov tomonidan deputatlarga hududni ijtimoiy-iqtisodiy rivojlantirishning istiqboliga mo`ljallangan o`z dasturini taqdim etdi. O`n yo`nalishdan iborat dasturda tuman hayotining barcha jabhalari qamrab olingan. 2025-2029-yillarda amalga oshiriladigan ishlar haqida batafsil ma'lumot berildi.

Partiyalar deputatlik guruhlari vakillari nomidan tuman Nuroniy jamg`armasi raisi O.Ahmedov, "Istiqlol" MFY raisi H.Hakimova va 2-umumta'lim maktabi direktori X.Bozorovlar nomzod yuzasidan o`z fikr mulohazalarini bildirib, nomzodni qo`llab-quvvatlashini bildirdilar.

Sessiyada Astonov Samandar Mustafaqulovich Bulung`ur tuman hokimi lavozimiga tasdiqlandi.

Sessiya ishida Samarqand viloyat hokim o`rinbosari Akmal Shukurov ishtirok etdi.

Ulaning va ulashing: Batafsil

https://t.me/Bulungur_kengash/448