Xatirchi tumanidagi 68-umumiy o‘rta ta’lim maktabida ham "Bir bo‘lsak- yagona xalqmiz, birlashsak Vatanmiz!” shiori ostida yangi o‘quv yilining boshlanishi mazkur ta’lim dargohida tahsil oladigan o‘quvchi yoshlar uchun qo‘shaloq bayramga aylandi. 1 mlrd 333 mln so‘m mablag‘ hisobiga yangidan qurilib, foydalanishga topshirilgan maktab binosi o‘quvchi yoshlar uchun chinakam bayram sovg‘asi bo‘ldi.

Tadbirda Xalq deputatlari tuman Kengashi deputati X.Mamedov hamda tuman 4 sektor rahbari A.Asatov ishtirok etib, barcha o‘quvchilarga yangi o‘quv yilida omad va zafarlar tiladilar.

Tadbirda so‘z olganlar yurtimiz o‘tmishi, mustaqillik yillarida erishilgan yutuqlar, yuksak bunyodkorlik ishlari to‘g‘risida gapirib o‘tdilar.