Xatirchi tumanining Galabek MFY hududida joylashgan 10-umumiy o‘rta ta’lim maktabida Xalq deputatlari Navoiy viloyati Kengashi kotibiyati mudiri J.Hamroev hamda tuman Kengashi deputati Yu.Xushvaqtova "Mustaqillik darsi"ni o'tdilar "Mustaqillik darsi"da o'quvchilarni Mustaqilligimizning 33-yilligi va yangi o‘quv yilining boshlanishi bilan tabriklab, mustaqillikning ma'no-mazmuni, mustaqillik zamirida yaratilayotgan shart-sharoitlar, yoshlarga berilayotgan imkoniyatlar haqida o'z fikrlarini bildirdi.

Mazkur maktabda hozirda 722 nafar o‘quvchi ta’lim olmoqda. Yangi o‘quv yilida 102 nafar o‘quvchi birinchi sinfga qabul qilinib, tadbir davomida ularga Prezident sovg‘alari topshirildi.

“Mustaqillik dars”lari ko‘tarinki kayfiyatda o’tkazildi.