Unda Surxondaryo viloyati hokimi, senator Ulug‘bek Qosimov va Oliy Majlis Senatining Fan, ta’lim va sog‘liqni saqlash masalalari qo‘mitasi raisi Odiljon Iminov hamda komissiya a’zolari, aloqador tashkilotlar mutasaddilari hamda OAV vakillari ishtirok etdi.

Yig‘ilish kun tartibida viloyatda xotin-qizlar bandligini ta’minlash, kasb-hunarga o‘qitish va tadbirkorlikka jalb qilish borasida amalga oshirilgan ishlar, erishilgan natijalar va yo‘l qo‘yilgan kamchiliklar tahlil qilindi. Mutasaddilar “Xonadonbay” o‘rganish asosida ishsiz, ishlash istagida bo‘lgan xotin-qizlarni aniqlash, kasb-hunarga o‘qitish, bandligini ta’minlash, ularning tadbirkorlik tashabbuslarini qo‘llab-quvvatlash borasida amalga oshirilayotgan chora-tadbirlar yuzasidan axborot berdi. 

Hududlarda qator natijalarga erishish bilan birga, xotin-qizlar bilan ishlash, bandligini ta’minlash hamda muammolarini hal etishda qator kamchiliklar borligi ko‘rsatib o‘tildi. Komissiya a’zolari va hududlar mas’lullariga xotin-qizlar bilan kelgusida amalga oshiriladigan vazifalar hamda chora-tadbirlar belgilab berildi.