Ma’lumki, mamlakatimizda mahallalar darajasida aholi muammolarini o‘z vaqtida aniqlash va samarali echimini topish, ijtimoiy himoya tizimining manzilliligi va shaffofligini ta’minlash orqali fuqarolar yashash sharoitlarini yanada yaxshilash
bo‘yicha keng qamrovli ishlar amalga oshirilmoqda. 

O‘zbekiston Respublikasi Oliy Majlisi Senati Kengashining 2024 yil 4 apreldagi “Mahallalardagi muammolarni hal etishda xalq deputatlari mahalliy Kengashlari deputatlari va senatorlarning “Mahalla yettiligi” bilan o‘zaro hamkorligini yo‘lga qo‘yish chora-tadbirlari to‘g‘risida”gi KQ-706-IV-son Qarorini joylarda ijrosini ta’minlash yuzasidan O‘zbekiston Respublikasi Oliy Majlis Senatining doimiy asosda ishlovchi senatori Manzuraxon Salimova, viloyat va tuman Kengashi deputatlari bilan
birgalikda tumandagi bir qator mahalla fuqarolar yig‘inlarida o‘rganishlar olib bordilar.

Hususan, Tinchlik, Chilon, Yangichek mahallalarida bo‘lib, kam ta’minlangan oilalarni har tomonlama qo‘llab-quvvatlash, aholi bandligini ta’minlash, tomorqadan samarali foydalanish, kambag‘allikdan chiqarish, tadbirkorlikni rivojlantirish yuzasidan olib borilayotgan ishlar bilan tanishdilar. 

   O‘rganishlar davomida senator tomonidan mahalla mas’ullariga mazkur yo‘nalishda amalga oshirilishi zarur bo‘lgan vazifalar, mahalliy davlat hokimiyati hamda mahalla yettiligining o‘zaro hamkorligini yanada kuchaytirish, asosiy e’tiborni aholini bandligini ta’minlash, ijtimoiy ximoyaga muxtoj oilalarni qo‘llab-quvvatlash, daromad manbalarini yaratishga ko‘mak berish, yangi ish o‘rinlarini yaratish, imtiyozli kreditlar ajratish orqali tadbirkorlikni rivojlantirishga qaratish
bo‘yicha tegishli tavsiyalar berildi.