Сессияда туман сектор раҳбарлари, ҳокимининг тегишли ўринбосарлари, кун тартибига киритилган масалага алоқадор давлат ва жамоат ташкилотлари раҳбарлари ҳамда ОАВ вакиллари иштирок этишди.

Сессияни Кенгаш раиси, туман ҳокими Дилшоджон Джалилов очди ва олиб борди.

Кун тартибидаги “Ҳудудларни ижтимоий-иқтисодий ривожлантириш, “Темир дафтари”, “Аёллар дафтари”, “Ёшлар дафтари”дан чиқариш, бунда айниқса аҳоли, шу жумладан хотин-қизлар, ёшларни, битирувчилар ва хориждан қайтган фуқароларни бандлигини таъминлаш, тадбиркорликни ривожлантириш бўйича ишларни кучайтириш юзасидан 2024 йил I-ярим йиллигига мўлжалланган “Йўл харитасининг”нинг I-чорак ижроси юзасидан сектор раҳбарларининг ахборотлари эшитилди. Шунингдек, “Ёзёвон туманида ҳоким ёрдамчилари томонидан “Оилавий тадбиркорлик дастурлари доирасида ажратилаётган имтиёзли кредитлар” бўйича амалга оширилган ишлар тўғрисида”ги Ҳумоюн Аҳмаджонов, “Ўзбекистон Республикаси Президентининг 2024 йил 5 январдаги ПҚ-15-сонли қарорининг қуйи бўғинда сув ресурсларини бошқариш тизимини такомиллаштириш ҳамда сув ресурсларидан фойдаланиш самарадорлигини ошириш чора-тадбирлари юзасидан” Шоҳжахон Султонов, “Ёзёвон туманида ўтказилган “Ташаббусли бюджет” 2024 йил 1-мавсими юзасидан” Фурқатжон Тиллаев ахборот бердилар. Халқ депутатлари Ёзёвон туман кенгаши депутати У.А.ни жиноий жавобгарликка тортиш учун розилик бериш ҳақидаги Ёзёвон тумани прокурори, адлия маслаҳатчиси Жаҳонгир Акбаровнинг тақдимномасига асосан, регламент ва депутатлик одоби масаласи юзасидан Саиджамол Собировнинг ахбороти эшитилди.

Масъулларнинг ахборотлари юзасидан депутатлар С. Собиров, М.Иномов қизиқтирган саволларига жавоб олишди.

Сессия кун тартибига киритилган масалалар юзасидан қарор қабул қилинди.

Сессия туман ҳокимлигининг фейсбук саҳифасида онлайн узатилди.