2021-yil 19-iyundagi “Ko‘p kvartirali uy-joylarni boshqarish tizimini yanada takomillashtirish to‘g‘risida”gi PQ-5152-son Qarori asosida tumanimizda ham “Payariq turon gulshani” va “Payariq elit kommunal” MChJ shaklidagi BSK (Boshqaruv Servis Kompaniyalari) tashkil qilingan. Shuningdek, O‘zbekiston Respublikasining
2019-yil 7-noyabrdagi “Ko‘p kvartirali uylarni boshqarish to‘g‘risida”gi O‘RQ-581-sonli Qonuni ijrosini ta’minlash maqsadida tumandagi ko‘p qavatli turar-joy binolarini texnik holatini saqlash va tutash yer maydonini obodonlashtirish maqsadida yuqorida nomlari keltirilgan MChJlar samarali faoliyat yuritishmoqda. Hozirgi vaqtda tumanimiz bo‘ylab yana yangi 13 ta ko‘p qavatli turar-joylar qurilmoqda, ushbu uy-joylar 2024 yilning 4-choragiga qadar qurilish ishlari tugallanib, foydalanishga topshirilishi belgilangan. Boshqaruv servis kompaniyalari tomonidan xizmat ko‘rsatilayotgan ko‘p qavatli turar-joylarda yashovchi fuqarolar to‘g‘risidagi ma’lumotlar “Mening uyim” billing tizimiga kiritilgan bo‘lib, fuqarolarga tegishli ko‘p qavatli turar-joy binolarini texnik holatini saqlash va tutash yer maydonini obodonlashtirish uchun majburiy badal to‘lovlari inson omilisiz hisob-kitob qilinib borilmoqda. O‘tgan yillar davomida Boshqaruv Servis Kompaniyalari tomonidan olingan kredit hisobiga ko‘p qavatliuy-joylarning tomlarini yopish, fasad qismlari va kirish yo‘laklarini ta’mirlash, hojatxona, tandirxona va bolalar maydonchalari qurish ishlari bajarilgan. Biroq fuqarolar tomonidan to‘lanishi lozim bo‘lgan majburiy badallar yillar davomida to‘lanmasdan kelinayotganligi sababli Boshqaruv Servis Kompaniyalari tomonidan xizmat ko‘rsatish ishlari olib borishda muammolar vujudga kelayotganligi ham sir emas.