#Ishsizlik_va_kambagʻallikni_qisqartirish

Aholi bandligi va inkluziv rivojlanish — deputatlik nazoratining muhim yo‘nalishi
Mamlakatimizda fuqarolarning mehnat qilish huquqlarini ta’minlash, ularning tadbirkorlik tashabbuslarini qo‘llab-quvvatlash hamda imkoniyati cheklangan shaxslarning jamiyatga integratsiyalashuviga ko‘maklashish davlat siyosatining ustuvor vazifalaridan biridir. Ushbu maqsadlar ijrosini ta’minlash borasida joylarda tuman Kengashi deputatlari va mas’ul xodimlari tomonidan tizimli o‘rganishlar olib borilmoqda.
Xususan, Xalq deputatlari Qo‘shko‘pir tuman Kengashi kotibiyati bosh mutaxassisi S.Matyaqubova hamda tuman Kengashi deputati R.Ismoilova "Bahoriston" mahallasida bo‘lib, mahalla ijtimoiy xodimi A.Abdullayev bilan birgalikda hududdagi ijtimoiy muhit va aholi turmush darajasini atroflicha o‘rgandilar.
O‘rganishlar doirasida Al-Xorazmiy ko‘chasi, 1/5-uyda istiqomat qiluvchi, 2-guruh nogironligi bo‘lgan fuqaro Matyaqubov Shahzod Kenja o‘g‘lining xonadoniga tashrif buyurilib, oilaning ijtimoiy-maishiy ahvoli va ehtiyojlari ko‘rib chiqildi.
Suhbat davomida Sh.Matyaqubovning temirchilik hunariga bo‘lgan yuksak qiziqishi va amaliy ko‘nikmalari inobatga olinib, unga o‘z tadbirkorlik faoliyatini yo‘lga qo‘yishi va rivojlantirishi uchun berilayotgan imkoniyatlar tushuntirildi. Shu munosabat bilan, davlatimiz tomonidan ajratiladigan imtiyozli kredit mablag‘larini olish tartibi hamda uning huquqiy va amaliy bosqichlari bo‘yicha batafsil tushuntirish va tavsiyalar berildi.