#deputatlik_nazorati_Uchtepa #ekspert_guruhlari

DIYDOR MAHALLASIDAGI 604-DMTTDA TA’MIRLASH ISHLARI YAKUNI O‘RGANILDI

📁 Xalq deputatlari Uchtepa tumani Kengashining 2026-yil 31-martdagi III-27-27-14-202-K/26-sonli qarori asosida “Ochiq budjet” axborot portali orqali 2026-yil birinchi mavsumida g‘olib deb topilgan loyihalar doirasida Diydor mahallasida joylashgan 604-sonli davlat maktabgacha ta’lim tashkilotida ta’mirlash ishlari amalga oshirildi. Mazkur loyiha uchun 1 320 000 000 so‘m mablag‘ ajratilgan.

🇺🇿 Loyiha doirasida tashqi va ichki sovuq suv hamda oqova suv kommunikatsiya quvurlarini ta’mirlash, eskirgan eshik va deraza romlarini yangilash, shuningdek, hojatxonalar, kanalizatsiya tizimi va yerto‘ladagi quvurlarni ta’mirlash ishlari belgilangan. Ishlar yakunlangani yuzasidan dalolatnoma rasmiylashtirilganligi munosabati bilan loyiha ijrosini o‘rganish va deputatlik nazoratini amalga oshirish maqsadida Xalq deputatlari Uchtepa tumani Kengashining "17-Guliston" saylov okrugi deputati Tursunova Shahnoza Jurakulovna tomonidan mazkur muassasada o‘rganish o‘tkazildi. Unda Kengash kotibiyati mudiri A.Usmanov, ekspert guruhi a'zosi A.Giyasov ham ishtirok etdi.

📈 O‘rganishdan asosiy maqsad — ajratilgan budjet mablag‘larining maqsadli sarflanishi, bajarilgan ishlarning loyiha talablariga muvofiqligi hamda maktabgacha ta’lim tashkilotida bolalar uchun yaratilgan sharoitlarni baholashdan iborat. Bunday o‘rganishlar jamoatchilik mablag‘laridan samarali foydalanish va ijtimoiy soha obyektlarida ta’mirlash ishlarining sifatini nazorat qilishda muhim ahamiyat kasb etadi.