Taxtakópir rayonı Jaslar orayı bólimine qaraslı májilisler zalında rayon belsendileri nuranıylarınıń gezektegi májilisi bolıp ótti.
Májilisti Xalıq deputatları Taxtakópir rayonlıq Keńesine ÓzLiDeP partiyasınan saylanǵan deputat Begmanov Erniyaz Allaniyazovich alıp bardı.
Májilis dawamında mámleketimizde sońǵı waqıtlarda jańadan qabıl etilgen nızam hám qararlardıń mazmun-mánisi, olardıń tiykarǵı maqsetleri, xalıqtıń kúndelikli turmısındaǵı áhmieti hám jámietti rawajlandırıwdaǵı ornı haqqında keń túrde túsindiriw jumısları alıp barıldı.
Sonday-aq, qabıl etilgen nızam hám qararlardıń mazmun-mánisin xalıqqa túsinikli túrde jetkeriw, olardıń orınlanıwı menen baylanıslı máseleler boyınsha jámiet aǵzalarınıń huqıqıy bilimin arttırıwdıń áhmieti atap ótilip, qatnasıwshılarǵa tiyisli túsinikler berildi.
Májilis dawamında qatnasıwshılar ózlerin qızıqtırǵan máseleler boyınsha pikir alısıp, nızam hám qararlardıń xalıq turmısındaǵı áhmieti boyınsha pikir alıstı.