Mazkur qaror O‘zbekiston Respublikasi Prezidentining 2026 yil 5 fevraldagi PQ–48-sonli qarori ijrosini Qumqo‘rg‘on tumanida ta’minlash, shuningdek, ko‘p kvartirali uylarga tutash hududlarni obodonlashtirish maqsadida qabul qilingan dastur asosida amalga oshirilmoqda.

O‘rganish jarayonida dasturda belgilangan vazifalarning ijrosi, ko‘p qavatli uylar atrofini obodonlashtirish va aholi uchun qulay muhit yaratish borasida amalga oshirilayotgan ishlar holati ko‘zdan kechirildi.

Ayni paytda “Do‘stlik” mahallasida zamonaviy bolalar o‘yingohini qurish ishlari olib borilmoqda. Ushbu tashabbus mahallada istiqomat qiluvchi bolalar uchun bo‘sh vaqtlarini mazmunli o‘tkazish, ularning jismoniy faolligini oshirish va aholiga yanada qulay shart-sharoitlar yaratishga xizmat qiladi.

Nazorat o‘rganishi davomida qurilish ishlarining sifatli va belgilangan talablar asosida amalga oshirilishi, obodonlashtirish ishlarini tizimli tashkil etish masalalariga alohida e’tibor qaratildi.