Xalq deputatlari Xorazm viloyati Kengashi Kotibiyat mudiri U. Kuryazov va viloyat Kengashi bosh mutaxassisi U. Egamov tomonidan navbatdagi sessiya kun tartibiga kiritilishi ko‘zda tutilayotgan masalalarni puxta o‘rganish maqsadida sessiya oldidan joyiga chiqqan holda Xonqa tumanidagi D213 avtomobil yo‘lining holati o‘rganildi.
O‘rganish davomida Xorazm viloyati Ichki ishlar boshqarmasi Jamoat xavfsizligi xizmati Yo‘l harakati xavfsizligi boshqarmasi ma’lumotlariga asosan, joriy yilning 8 oyi davomida D213 avtomobil yo‘lining 17–20-kilometrlari oralig‘ida yo‘l-transport hodisalari ko‘p sodir bo‘lgani qayd etildi.
Shu munosabat bilan Madir aholi yashash joyidan chiqish qismidan Durgadik mahallasiga kirish joyigacha bo‘lgan D213 avtomobil yo‘lining 16–20-kilometrlari oralig‘ida harakat xavfsizligini ta’minlash masalasi joyiga chiqib o‘rganildi.
O‘rganish natijasida mazkur yo‘l qismida transport vositalarining harakat tezligini 100 km/soatdan 70 km/soatgacha pasaytirish bo‘yicha Xalq deputatlari Xorazm viloyati Kengashiga takliflar kiritilgani ma’lum qilindi.
Sessiya oldidan o‘tkazilgan mazkur o‘rganish yo‘l-transport hodisalarining oldini olish, yo‘l harakati xavfsizligini ta’minlash va aholi hayoti hamda xavfsizligini muhofaza qilishga qaratilgan takliflarni ko‘rib chiqishga xizmat qiladi.