Xalq deputatlari Chilonzor tuman Kengashi deputati Mutalov Omonulla Nig‘matullayevich o‘z saylov okrugidagi Ko‘rkam mahallasiga tashrif buyurib, mahallada yoshlar bilan ishlash yo‘nalishida amalga oshirilayotgan ishlar bilan yaqindan tanishdi.

Tashrif davomida mahalladagi yoshlar yetakchisi tomonidan yoshlarning bo‘sh vaqtini mazmunli tashkil etish, ularning qiziqish va qobiliyatlarini qo‘llab-quvvatlash, zamonaviy kasb-hunarlarga yo‘naltirish hamda bandligini ta’minlash borasida olib borilayotgan ishlarning samaradorligi o‘rganildi.

Shuningdek, mahalladagi yoshlarning bandlik holati, ularni ishga joylashtirish va tadbirkorlik faoliyatiga jalb etish bo‘yicha amalga oshirilayotgan chora-tadbirlar tahlil qilindi. Yoshlar bilan ishlash jarayonida mavjud muammolar, ularning taklif va ehtiyojlariga ham alohida e’tibor qaratildi.

O‘rganish yakunlari bo‘yicha aniqlangan masalalarni tegishli tashkilotlar bilan hamkorlikda hal etish, yoshlar bandligini ta’minlash va ular uchun yaratilayotgan imkoniyatlardan samarali foydalanishni yanada kuchaytirish yuzasidan tegishli tavsiyalar berildi.