Xalq deputatlari viloyat Kengashi deputati D.Ismoilova tomonidan mazkur qonun ijrosi holati o‘rganildi.

O‘rganish davomida yosh onalar o‘rtasida qonunning mazmun-mohiyati haqida tushunchalar darajasi yuqori ekani qayd etildi. Shu bilan birga, ijtimoiy tarmoqlar va tashqi reklamalarda sun’iy oziq-ovqat mahsulotlarining faol targ‘iboti ota-onalar fikriga ta’sir ko‘rsatayotgani kuzatildi.

Shu bois, sog‘liqni saqlash tizimi xodimlari, ayniqsa, patronaj hamshiralarining mahalla bilan hamkorlikda tushuntirish va targ‘ibot ishlarini yanada kuchaytirish zarurligi ta’kidlandi.

Muloqot davomida ona suti bilan oziqlantirishning ahamiyati, go‘daklar va kichik yoshdagi bolalar salomatligini muhofaza qilish hamda ota-onalarning xabardorligini oshirish masalalariga alohida e’tibor qaratildi.

 Manba: O‘zbekiston Respublikasining 2019-yil 23-oktabrdagi O‘RQ-574-sonli Qonuni.