#haftalik_ish_reja_ijrosi
#Kotibiyat_mudiri
#deputat_faoliyati
#24_ta_masala

Bandixon tumanida deputatlik nazorati: Obodonlashtirish ishlari va sport ob’ektlari faoliyati o‘rganildi

Bandixon tumanida aholi farovonligini oshirish, mahallalar infratuzilmasini yaxshilash va yoshlar bandligini ta’minlash borasida tizimli deputatlik nazorati amalga oshirilmoqda.

Xalq deputatlari Bandixon tumani Kengashi kotibiyati mudiri A.Pardayev hamda tuman Kengashi deputati B.Yo‘ldoshevlar "Bandixon" mahalla fuqarolar yig‘inida bo‘ldilar. Tashrif davomida mahalliy Kengash deputatlari faoliyatining "24 ta eng muhim yo‘nalishi" doirasida obodonlashtirish ishlarining sifati hamda mahallada barpo etilgan zamonaviy Workout sport maydonchasining holati o‘rganildi.

Monitoring jarayonida yoshlarning sport bilan shug‘ullanishlari uchun yaratilgan imkoniyatlar, maydonchadagi jihozlarning sozligi va xavfsizlik talablariga muvofiqligi baholandi. Shuningdek, aholi bilan muloqot o‘tkazilib, hududni rivojlantirishga oid takliflar tinglandi. Tashrif yakunida aniqlangan masalalar bo‘yicha mas’ullarga tegishli vazifalar yuklatildi.