Xalq deputatlari tuman Kengashi deputati D.Ismoilov hamda kotibiyati bosh mutaxassisi M.Mahmudov tomonidan Besarang mahalla fuqarolar yig‘inida hokim yordamchisining tavsiyasi va amaliy ko‘magi asosida yo‘lga qo‘yilayotgan mikroloyihalar faoliyati joyiga chiqib o‘rganildi.

O‘rganish davomida mahallada tadbirkorlikni rivojlantirish, aholining bandligini ta’minlash, oilalar daromadini oshirish hamda mavjud imkoniyatlardan samarali foydalanish borasida amalga oshirilayotgan ishlar tahlil qilindi.

Xususan, hokim yordamchisining tavsiyasi va ko‘magi asosida fuqaro R. Tojiboyevga 100 million so‘m miqdorida imtiyozli kredit ajratilgan. Mazkur mablag‘ hisobidan 20 sotix maydonda zamonaviy issiqxona barpo etilib, limon yetishtirish faoliyati yo‘lga qo‘yilgan.

Mazkur loyiha orqali foydalanilmayotgan yer maydonidan samarali foydalanish, qishloq xo‘jaligi mahsulotlari yetishtirish hajmini oshirish bilan bir qatorda, yangi daromad manbaini yaratish va aholi bandligini ta’minlash imkoniyati yaratilmoqda.

O‘rganish yakunida mikroloyihaning bugungi faoliyati, ishlab chiqarish imkoniyatlari hamda kelgusidagi rivojlanish istiqbollari ko‘zdan kechirildi. Shuningdek, loyihani yanada kengaytirish va uning iqtisodiy samaradorligini oshirish yuzasidan tegishli tavsiyalar berildi.