BANK FAOLIYATI O‘RGANILDI

🏦 9-Dashtig‘oz saylov okrugidan Xalq deputatlari tuman Kengashiga saylangan deputat Choriyev Jo‘rabek Yakubovich o‘ziga biriktirilgan tashkilot — AT “Xalq banki” Boysun filialida O‘zbekiston Respublikasining “Banklar va bank faoliyati to‘g‘risida”gi Qonuni ijrosi yuzasidan o‘rganish olib bordi.

🔎 O‘rganish davomida bank faoliyatining amaldagi qonunchilik talablari asosida tashkil etilgani, mijozlarga ko‘rsatilayotgan xizmatlar sifati, fuqarolar murojaatlari bilan ishlash hamda bank xizmatlaridan foydalanish imkoniyatlari holatiga e’tibor qaratildi.

📌 Aniqlangan masalalar yuzasidan tegishli tavsiyalar berilib, qonun talablariga rioya etilishi va fuqarolarga sifatli bank xizmatlarini ko‘rsatish bo‘yicha amalga oshirilayotgan ishlar nazoratga olindi.