#poytaxtdeputatlari #deputatlik_faoliyati

❗️ DEPUTAT VA YOSHLAR: EKOLOGIK MAS’ULIYAT VA AMALIY TASHABBUSLAR

🏛 Samarqand davlat veterinariya meditsinasi, chorvachilik va biotexnologiyalar universitetining Toshkent filialida Xalq deputatlari Toshkent shahar Kengashi deputati Sevara Fayziyeva ishtirokida yoshlar bilan uchrashuv tashkil etildi.

🔺 Uchrashuvda mamlakatimizda yashil taraqqiyotni ta’minlash, ekologik barqarorlikni mustahkamlash, tabiiy resurslardan oqilona foydalanish, atrof-muhitni asrash hamda aholining, ayniqsa, yoshlarning ekologik madaniyatini yuksaltirish masalalari yuzasidan fikr almashildi.

📁 Muloqot davomida yoshlarning ekologik jarayonlardagi ishtirokini yanada faollashtirish, ularning tabiatni muhofaza qilishga qaratilgan g‘oya va tashabbuslarini qo‘llab-quvvatlash masalalariga alohida e’tibor qaratildi.

🗣 Xalq deputatlari Toshkent shahar Kengashi deputati Sevara Fayziyeva yoshlarning ekologik masalalarga bo‘lgan qiziqishi, fikr-mulohazalari, tashabbus va takliflarini tingladi. Bugungi kunda yosh avlodda ekologik ong va mas’uliyatni shakllantirish, tabiatga ehtiyotkorona munosabatni kundalik hayot tarziga aylantirish muhim ahamiyat kasb etishi ta’kidlandi.

♻️ Uchrashuvda ekologik madaniyatni yuksaltirish, yashil hududlarni asrash va kengaytirish, tabiiy resurslardan oqilona foydalanish kabi masalalarda yoshlarning faol ishtiroki muhim ekani qayd etildi. Zero, ekologik barqarorlikni ta’minlash faqat muayyan soha vakillarining emas, balki jamiyatning har bir a’zosi, ayniqsa, kelajak bunyodkori bo‘lgan yoshlarning mas’uliyatli munosabatini talab etadi.

📚 Tadbir doirasida “Yashil taraqqiyot tamoyillari: tahlil va natijalari” nomli risola taqdimoti ham o‘tkazildi. Undagi yashil taraqqiyot, ekologik barqarorlik va atrof-muhitni asrashga oid muhim g‘oya hamda tahlillar yoshlar e’tiboriga havola etildi.

🌳 Mazkur uchrashuv yoshlar bilan bevosita muloqotni kuchaytirish, ularning tashabbuslarini tinglash va ekologik mas’uliyatini oshirish nuqtayi nazaridan muhim ahamiyat kasb etdi. Bu esa mahalliy Kengash deputati faoliyatida yoshlar bilan ishlash, ularning tashabbus va takliflarini qo‘llab-quvvatlash yo‘nalishlari bilan hamohangdir.

🤝 Deputat va yoshlar o‘rtasidagi bunday ochiq muloqotlar ekologik muammolarga befarq bo‘lmagan, tashabbuskor va mas’uliyatli yoshlar safini kengaytirishga xizmat qiladi.

🌱 Tabiatga mas’uliyatli munosabat — sog‘lom muhit va barqaror kelajakning muhim garovidir.

📱 Telegram 📱 Instagram 📱 Facebook 📱 YouTube 🔎 E-kengash