G

G‘ishtko‘prik mahallasida sayyor qabul o‘tkazildi

Sayyor qabul davomida fuqarolar tomonidan kommunal xizmatlar, ichki yo‘llarni ta’mirlash, elektr energiyasi, ichimlik suvi ta’minoti, bandlik, ijtimoiy himoya hamda boshqa dolzarb masalalar yuzasidan murojaatlar tinglandi.

Har bir murojaat mazmunan o‘rganilib, ularni qonunchilik talablaridan kelib chiqib hal etish yuzasidan tegishli davlat organlari va mas’ul tashkilotlar vakillariga aniq topshiriqlar berildi. Qo‘shimcha o‘rganish talab etiladigan murojaatlar ijrosi alohida nazoratga olinib, ularning belgilangan muddatlarda ijobiy hal etilishi yuzasidan tegishli choralar belgilandi.

Xalq deputatlari Namangan shahar Kengashi tomonidan fuqarolar bilan ochiq muloqotni yo‘lga qo‘yish, ularning murojaatlarini joyiga chiqib o‘rganish hamda mavjud muammolarni manzilli hal etishga qaratilgan sayyor qabullar tizimli ravishda davom ettirilmoqda.