🔰“Navgadi” mahallasidagi elektr ta’minoti masalasi deputat e’tiborida

Xalq deputatlari Jondor tumani Kengashi deputati M. Hojiyeva tomonidan “Navgadi” mahalla fuqarolar yig‘inida saylovchilar bilan muloqotlar davomida bildirilgan murojaatlar o‘rganildi.
🔺Murojaatlarda hududdagi elektr ta’minoti, xususan, mavjud transformatorni kuz-qish mavsumini betalofat o‘tkazishga tayyorlash, jismonan eskirgan simyog‘ochlarni yangilash hamda havo elektr uzatish liniyalarini belgilangan tartibda qayta montaj qilish masalalari ko‘tarilgan.
🔺Mazkur murojaatlarni joyida o‘rganib, aholining elektr energiyasiga bo‘lgan ehtiyojini barqaror ta’minlash maqsadida deputat tomonidan tuman elektr ta’minoti korxonasi rahbari O. Usmonov nomiga deputat so‘rovi yuborildi.
🔺Deputat so‘rovida transformatorni joriy ta’mirlash, eskirgan simyog‘ochlarni yangilash hamda havo liniyalarini qayta montaj qilish bo‘yicha tegishli choralarni ko‘rish so‘ralgan.
👉Aholi murojaatlari asosida ko‘tarilgan masalaning ijrosi deputatlik nazoratida bo‘ladi.

Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt