Zarbdor" mahallasida sayyor qabul o‘tkazildi

Xalq deputatlari Namangan shahar Kengashi deputati Sh. To‘raboyeva tomonidan Namangan shahridagi "Zarbdor" mahalla fuqarolar yig‘inida mahalla yettiligi ishtirokida sayyor qabul tashkil etildi.

Sayyor qabul davomida mahalla yettiligi a’zolarini qiynab kelayotgan muammolar hamda hududdagi dolzarb masalalar atroflicha muhokama qilindi. Jumladan, aholi bandligini ta’minlash, ijtimoiy soha, kommunal infratuzilma, obodonlashtirish va fuqarolarni tashvishga solayotgan boshqa masalalar yuzasidan murojaatlar tinglandi.

Shuningdek, mahallada o‘z yechimini kutayotgan dolzarb muammolar joyiga chiqib o‘rganilib, ularni bartaraf etish bo‘yicha mas’ul tashkilotlar ishtirokida zarur chora-tadbirlarni belgilash yuzasidan tegishli tavsiyalar berildi.

Sayyor qabul yakunida ko‘tarilgan masalalarning ijrosini ta’minlash hamda ularni qonunchilik doirasida hal etish bo‘yicha tegishli tartibda nazorat o‘rnatilishi ta’kidlandi.