1-oktyabr — Muǵallimler hám ustazlar kúni múnásibeti menen Ózbekstan XDP Nókis rayonlıq keńesi hám rayonlıq Keńes sekretariatı tárepinen rayondaǵı 6-sanlı ulıwma orta bilim beriw mektebinde bayram ilajı shólkemlestirildi.

Ilajda Xalıq deputatları Nókis rayonlıq Keńesi baslıǵı N.Seytnazarov, rayonlıq Keńesi sekretariatı baslıǵı Sh.Qalmuratov hám deputat R.Saparniyazovlar qatnasıp, bilimlendiriw tarawında miynet etip atırǵan ustazlar menen pikir almastı.

Bayram ilajında Xalıq deputatları Nókis rayonlıq Keńesi baslıǵı, partiya belsendisi N.Seytnazarov hám rayonlıq Keńesi sekretariatı baslıǵı Sh.Qalmuratov mektep jámáátin kásiplik bayramları menen qutlıqladı.

Qutlıqlaw barısında ustazlardıń jas áwladtı bilimli hám Watanǵa sadıq insanlar etip tárbiyalaw jolındaǵı miyneti ayrıqsha atap ótildi.

Kóp jıllar bilimlendiriw tarawında pidayılıq penen miynet etip kiyatırǵan ustazlarǵa partiyanıń «Húrmet jarlıqları» saltanatlı túrde tapsırıldı.