Xalq deputatlari Qo‘qon shahar Kengashi deputati G.Payg‘amova tomonidan “Yangi obod” mahalla fuqarolar yig‘inida O‘zbekiston Respublikasining 2012-yil 26-apreldagi O‘RQ-327-sonli “Oilaviy tadbirkorlik to‘g‘risida”gi hamda 2012-yil 2-maydagi O‘RQ-328-sonli “Tadbirkorlik faoliyati erkinligining kafolatlari to‘g‘risida”gi Qonunlari ijrosi yuzasidan o‘rganish ishlari olib borildi.

O‘rganish davomida mahalla hokim yordamchisi M.Muhammedov tomonidan tadbirkorlikni rivojlantirish, aholi bandligini ta’minlash, fuqarolarni daromadli mehnatga jalb etish hamda tadbirkorlik faoliyatini boshlash istagidagi fuqarolarni qo‘llab-quvvatlash borasida amalga oshirilayotgan ishlar yuzasidan batafsil ma’lumot berildi.

Ma’lum qilinishicha, joriy yilning o‘tgan davrida 21 nafar fuqaroga jami 209 million so‘m miqdorida imtiyozli kredit ajratilishiga ko‘maklashilgan.

Shuningdek, mahallada 21 ta mikroloyiha ishga tushirilgani va ushbu loyihalar orqali aholi uchun yangi daromad manbalari hamda bandlik imkoniyatlari yaratilgani qayd etildi.

Amalga oshirilgan ishlar natijasida 22 nafar fuqaroning bandligini ta’minlashga ko‘maklashilgan. Shu bilan birga:

20 ta kam ta’minlangan oila “Kambag‘allik reyestri”dan chiqarilgan;

2 nafar fuqaroga ssuda ajratilgan;

8 nafar fuqaro bepul kasb-hunarga o‘qishga yo‘naltirilgan;

2 nafar kam ta’minlangan fuqaroning uy-joyi ta’mirlab berilgan.

O‘rganish jarayonida oilaviy tadbirkorlikni rivojlantirish, yangi ish o‘rinlarini yaratish, aholi daromadlarini oshirish hamda tadbirkorlik faoliyatini boshlash istagidagi fuqarolarni qo‘llab-quvvatlash bo‘yicha amalga oshirilayotgan ishlar atroflicha muhokama qilindi.

️Mazkur uchrashuv va o‘rganish ishlarini tashkil etishda Xalq deputatlari Qo‘qon shahar Kengashi bosh mutaxassislari A.Adxamov va X.Abdullayev tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi