Murojaatda davlatimiz rahbari tomonidan hududlar oldiga qo‘yilayotgan ustuvor vazifalardan kelib chiqib, Yashnobod tumanini yanada obod va farovon hududga aylantirish, aholi turmush sharoitini yaxshilash, daromadlarini oshirish, kambag‘allik va ishsizlikni qisqartirish hamda tadbirkorlikni rivojlantirishga qaratilgan muhim vazifalar bayon etildi.

👍 Tuman hokimi murojaatida mahallalar infratuzilmasini yaxshilash, yo‘l va piyodalar yo‘laklarini ta’mirlash, hududlarni obodonlashtirish va ko‘kalamzorlashtirish, ichimlik va oqova suv tarmoqlarini yaxshilash, shuningdek, yangi ijtimoiy obyektlarni barpo etish masalalariga alohida e’tibor qaratdi.

👍 Shuningdek, aholi bandligini ta’minlash, yangi ish o‘rinlari yaratish, tadbirkorlik tashabbuslarini qo‘llab-quvvatlash, investitsiya loyihalarini amalga oshirish hamda ta’lim va ijtimoiy sohani rivojlantirish bo‘yicha ustuvor yo‘nalishlar belgilandi.

👍 Murojaatda barcha rejalarning amaliy natijaga yo‘naltirilishi, aholining muammo va takliflari doimiy o‘rganib borilishi hamda belgilangan vazifalar ijrosi ustidan shaxsiy nazorat o‘rnatilishi ta’kidlandi.

👍 Tuman hokimi Yashnobod tumanining har bir mahallasida amalga oshirilayotgan ishlar, yaratilayotgan imkoniyatlar va kelgusidagi rejalar aholi farovonligiga xizmat qilishi lozimligini qayd etdi.

“Bugun va’da emas, balki aniq ro‘yxat, aniq sanalar va raqamlarga asoslangan rejalarimizni sizlarning e’tiboringizga taqdim etmoqdaman”, — dedi B. Raxmankulov.

Murojaat davomida Yashnobod tumanini zamonaviy, obod, iqtisodiy jihatdan barqaror va aholi uchun qulay hududga aylantirish bo‘yicha belgilangan ustuvor vazifalar keng jamoatchilik e’tiboriga havola qilindi.