🔽Qo‘ziqorin yetishtirish — yangi daromad manbai

Xalq deputatlari Jondor tumani Kengashi deputati O. Sherov tashabbusi bilan “Dalmunobod” mahallasida aholi bandligini ta’minlash va oilalar daromadini oshirishga qaratilgan amaliy tashabbus yo‘lga qo‘yildi.
🔺Tashabbus doirasida mahallada qo‘ziqorin yetishtirish bo‘yicha o‘quv markazi tashkil etilib, fuqarolarga mazkur yo‘nalishda zarur bilim va ko‘nikmalarni berish, zamonaviy usullar asosida mahsulot yetishtirishni o‘rgatish maqsad qilingan.
🔺O‘quv mashg‘ulotlarida qo‘ziqorin yetishtirish uchun zarur sharoitlarni yaratish, urug‘lik va xomashyodan foydalanish, parvarishlash, hosildorlikni oshirish hamda tayyor mahsulotni sotish bo‘yicha amaliy tavsiyalar berib boriladi.
🔺Mazkur tashabbus orqali mahalla aholisini, ayniqsa, daromad manbaiga ehtiyojmand fuqarolarni kasbga o‘rgatish, ularning bandligini ta’minlash va xonadonlarda qo‘shimcha daromad manbalarini yaratish ko‘zda tutilmoqda.
🔺Bunday amaliy loyihalar aholining tadbirkorlik tashabbuslarini qo‘llab-quvvatlash, mahallalarda yangi daromad manbalarini shakllantirish hamda oilalar farovonligini oshirishga xizmat qiladi.
🔺Ishlar davom etmoqda.

Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt