Tashrif davomida mas’ullar tomonidan amalga oshirilayotgan qurilish-montaj ishlari, obyektning bugungi holati, belgilangan vazifalar hamda kelgusida aholiga ko‘rsatiladigan tibbiy xizmatlar uchun yaratiladigan sharoitlar haqida ma’lumot berildi.
Yangi poliklinika binosining barpo etilishi mahalla aholisiga tibbiy xizmat ko‘rsatish sifatini yana-da oshirish, zamonaviy va qulay sharoitlarni yaratish hamda tibbiy xizmatlardan foydalanish imkoniyatlarini kengaytirishga xizmat qilishi ta’kidlandi.
Shuningdek, qurilish ishlarini belgilangan me’yor va talablar asosida sifatli amalga oshirish, obyektni belgilangan muddatlarda foydalanishga topshirish hamda yaratilgan imkoniyatlardan samarali foydalanish masalalariga alohida e’tibor qaratildi.
Tashrif yakunida mas’ullarga qurilish ishlarining sifatini ta’minlash, aniqlangan masalalarni o‘z vaqtida bartaraf etish va obyektni aholi uchun munosib tibbiy xizmat ko‘rsatadigan zamonaviy muassasa sifatida foydalanishga tayyorlash bo‘yicha tegishli tavsiyalar berildi.