OLMAZOR TUMANIDA TURIZM KO‘CHALARINI RIVOJLANTIRISH BO‘YICHA O‘RGANISH O‘TKAZILDI

📍 Olmazor tumanida hududlarning turistik jozibadorligini oshirish, aholi va mehmonlar uchun qulay hamda zamonaviy shahar muhitini yaratish borasidagi ishlar izchil davom ettirilmoqda.

⚡️Xususan, Olmazor tumani hokimi K. Tulyaganov, tuman prokurori A. Axunov, Xalq deputatlari Olmazor tumani Kengashi raisi Sh. Umarxodjayeva va okrug deputati N. Kamolova hamda boshqa mas’ul xizmatlar rahbarlari ishtirokida tumandagi Farobiy va Saqichmon ko‘chalarini tunu kun — 24/7 faoliyat yurituvchi turizm ko‘chalariga aylantirish loyihasi doirasida o‘rganish ishlari olib borildi.

➡️ Shuningdek, ayni vaqtda obodonlashtirish va infratuzilma ishlari amalga oshirilayotgan Sag‘bon ko‘chasidagi jarayonlar ham joyiga chiqib o‘rganildi.

🔹 O‘rganish davomida turistlar hamda aholi uchun qulay tunu kun sayr hududlarini tashkil etish;
🔹 yo‘l infratuzilmasining mavjud holatini yaxshilash;
🔹 piyodalar va transport vositalari harakati xavfsizligini ta’minlash;
🔹 hududlarni obodonlashtirish va ko‘kalamzorlashtirish;
🔹 ko‘chalarga milliy va zamonaviy uslub uyg‘unligini aks ettiruvchi yangi qiyofa berish masalalariga alohida e’tibor qaratildi.

🌿 Mazkur yo‘nalishdagi ishlarning asosiy maqsadi — Olmazor tumanining turistik salohiyatini oshirish, aholi va mehmonlar uchun qulay, xavfsiz, obod hamda zamonaviy shahar muhitini shakllantirishdan iborat.

🏛 Hududlarni rivojlantirish, infratuzilmani yaxshilash va aholi uchun munosib sharoitlar yaratish borasidagi ishlar mas’ullar tomonidan doimiy nazorat va o‘rganishlar asosida davom ettiriladi.