VOYAGA YETMAGANLAR HUQUQI — JAMIYAT E’TIBORIDA
Temirqadam mahalla fuqarolar yig‘inida O‘zbekiston Respublikasining O‘RQ-263-sonli “Voyaga yetmaganlar o‘rtasida nazoratsizlik va huquqbuzarliklarning profilaktikasi to‘g‘risida”gi Qonuni ijrosi yuzasidan profilaktik tadbir o‘tkazildi. Tuman Kengashi deputati J. Raxmanova ishtirok etib, voyaga yetmaganlar o‘rtasida nazoratsizlik va huquqbuzarliklarning oldini olish, yoshlarning huquq va qonuniy manfaatlarini himoya qilish hamda oila, mahalla va ta’lim muassasalari hamkorligini kuchaytirish masalalariga alohida e’tibor qaratdi.
Qonunga ko‘ra, profilaktikaning asosiy vazifalaridan biri — voyaga yetmaganlar tomonidan huquqbuzarlik yoki boshqa g‘ayriijtimoiy xatti-harakatlar sodir etilishiga imkon beradigan sabab va shart-sharoitlarni o‘z vaqtida aniqlash va bartaraf etishdir.
Farzand tarbiyasi — oila, mahalla va jamiyatning mushtarak vazifasidir.