Maktab kutubxonasi faoliyati o‘rganildi

Xalq deputatlari Termiz tuman Kengashi 10-Yangiyo‘l saylov okrugi deputati R.Shamanov saylangan Qo‘ng‘irot MFYdagi 8-sonli umumta’lim maktabida “Mahalliy Kengash deputati faoliyatining eng muhim yo‘nalishlari bo‘yicha tavsiyalar” asosida maktab kutubxonasi faoliyati mutaxassis T.Murodov tomonidan o‘rganildi.

O‘rganish davomida kutubxonadagi mavjud adabiyotlar fondi, o‘quvchilar uchun yaratilgan sharoitlar, kitoblarning saqlanishi va hisobini yuritish holati, shuningdek, o‘quvchilarning kitobxonlikka qiziqishini oshirish borasida amalga oshirilayotgan ishlar ko‘zdan kechirildi.

Shuningdek, o‘quvchilarni badiiy, ilmiy-ma’rifiy va o‘quv adabiyotlari bilan ta’minlash, kutubxonadan samarali foydalanish imkoniyatlarini kengaytirish hamda kitobxonlik tadbirlarini muntazam tashkil etish masalalariga e’tibor qaratildi.

Aniqlangan masalalar yuzasidan mas’ullarga tegishli tavsiya va takliflar berilib, maktab kutubxonasi faoliyatini yanada takomillashtirish bo‘yicha vazifalar belgilandi.