Mazkur qarorga muvofiq, Namangan shahar budjetiga viloyat budjetining 2026-yil boshida aniqlangan erkin qoldiq mablag‘lari hisobidan ajratilgan "3 mlrd 300 mln so‘m mablag‘" dan foydalanish tartibi belgilandi.

Qarorga asosan:

— shahar obodonlashtirish boshqarmasi tomonidan amalga oshirilgan ishlar yuzasidan yuzaga kelgan qarzdorliklarni bartaraf etish;

— “Aqlli shahar” loyihasi doirasida belgilangan tadbirlarni moliyalashtirish ko‘zda tutilgan.

Shuningdek, mas’ul tashkilotlarga ajratilgan mablag‘lardan maqsadli va samarali foydalanish, to‘lovlarni belgilangan tartibda va o‘z vaqtida amalga oshirish hamda mablag‘lar sarfi ustidan qat’iy nazorat o‘rnatish vazifalari yuklatildi.

Mazkur qaror ijrosini ta’minlash shahar hokimining birinchi o‘rinbosariga yuklatildi, ijrosi ustidan nazorat esa Xalq deputatlari Namangan shahar Kengashining tegishli doimiy komissiyasi tomonidan amalga oshiriladi.